Maendeleo
Abagusii Provers Part 2 ( Explained)
Banto bamo mbachayani Oko n’okorabana Banto bamo tibana gokwana bareng’anie. Nigo momura omino aragokwane eng’encho etaisani. Naye nabo oramokwane engencho etaisaini. Agwo bono nao echayo ekorwera. Kwamochaya n’ere ogochaya. Banto mbaumerani, mbitunwa bitakoumerana Tokorera onde bobe, okage kaa timokonyarana. Baturi mbaibi, mbauti batakoiba Oyore ang’e n’ere okonyora Chlnko chia gwota chiaurania aba nd'emo Echi ne chinsega Chiombe mbe na mbe, chiabutoire Nyankuru kiara n'enengo yoka ereo Oko n'ogweitia Eamate n'englya ekogera mwana achega Oko n'okwabera Eeri magwari n'yang'o? Otaroochi eng'ina Nyabl—mbe Oko n'okogwekana Eki'ogosimeka nakio okogesa Eki'ogosaba nakio okoegwa Embunde yaitete Onchong'a na Matara omwabo, n’amagachi egachire
Momura omino, gose omonto o nka tomogokwana nkwano moneng’anie, korende omonto omoao, mokwane moreng’anie. Igo abanto bare ensemo baetie ng’a abanto abamo mbachayani, “Igwa buna yarebe agokwana, na nyagete n’ere igwa buna agokwana.”
Banto mbamo maiso, n’emioyo etamanyaini Obo nobogechani
Nabo toroochaine amaiso ng’a mbuya tore komo n’aye, Nabo tokogosoria buya ase chinkwano twaigwana kegima. Korende ande omoyo oo nigo obwate ekerengererio kende gi’okongecha. Na nche gose nimbwate ki’ogokogecha. Ko bono eng’ana ng’aa eche korwera ase omonto gete; omoamate aetia, “A! nyarebe nche ndoche tibanchaini na nyagete. Igwa buna nyagete agonteebia na nyarebe n’ere buna naigwa akoboora.”o bono omagaaka oyo ochete gokwana eng’ana eye, nigo ayerengetie agateeba, “Ee, amaiso n’amaya, mbuya tokorigererania. Inee eng’ana ere omoyo ime titori koyerora, erio toyemanye.”
Nigo orakorere nyarebe bobe okage kaa timogocha konyorana. Korende manya ng’a abanto mwanyabanto nigo bagotara ao ao. Igo kaa nabo oratookee mokoumerana na nyarebe otio, ase gete otarengereretie komonyora. Kero kende nabo orabe n’emechando engaki eyio, erio oganie ogokoonya kwaye. Korende ainyore obobe kwamokorerete.
Igo titobaisa gokaga ng’a nigo toteneine buna ebitunwa. Tiga tokorerane amaya botambe, na ande onsi, erio ankio tokoumerana twagokerana na gokoonyana, n’emioyo emiya.
Abauti nigo babwate enyongo yabo y’oboturi amo n’emeguba bagoutera. Omoremo obo omonene n’ogouta emeguba. Emeremo y’abaturi n’okobaraga na gotura ebioma. Igo omouti tari goika ebioma ang’e. Ere n’omoguba bwoka atarerete. Onye ebioma biarenge koibwa, omonto orenge ne ribaga ri’okobiba, n’omoturi.
Chiakumeire Moraa o Kiage, akama ng'ombe akama mbori Eye n'eng'areka y'abakungu
Abakungu mbanywomire babere omochie. Oyomo tomoroke Mosiara n'oyonde Moraa Moraa nare ne chiombe na n'ere enting'ana.
Mosiara n'ere nyagesase, omokungu nyambu mbe nonya n'omosacha akwangerera. Oyo nyagesase, mosacha tamoeti nibo ende. Igo ekero abageni bagocha omochie oyio, mwa Moraa bakoragererigwa, bagooka. Agwo abande baetia, "Timoroochi ebinto ase bire, nkagete mwa Moraa." Mosiara n'ere nabo akoboora ekero atarirwe na mogeni oye kwobwaye, ekero atari na gento kiya akomoa arie.
Agwo kare abanto nigo bagatenyire chinko bareta gesarate, gose saiga ase bamenyete. Bamura bamwabo nabo baramenye esaiga eyemo. Aba nabo barachake gokorerana chinsega chi'ogotenya chinko. Oyomo obo aise gochiererera tagotenya nko, oria ogotenya nabo mosuko aramokanie tabaisa gwota morero, nko chiaye chitaiyo chigouterwa. Igo bachake kwomana na kogechana. Omoerio oye bangane kegima. Egento kiabangania, ne chinko chia gwota.
Aba n'abamura bamwabo kegima, oyomo arenge korokwa Nyankuru, barwanererete chiombe chiabo, erinde Nyankuru akaromwa ekiara, n'oyomwabo gekamochia kobutoka.
Omwana k'amochire ase eamate, nabo akogambigwa na kero kende bwaberwa. Nabo naende omwana oyio aranyonkanane amochere eamate eyio kabere nkaya. Korende naende emwabere, ekiagera n'omwana o nka.
Igo abanyene omwana oyio nabo baraimoke bateebe ng'a eamate n'engiya ekona kwabera omwana obo. Onye tari obuya bw'eamate, tanga omwana obo nkare akoreretwe amabe gose abareterere.
Eeri gete nigo yarenge endwani mono. Agwo abanto bakayekumia mono. Abande bakarigia komanya omonyene, ko barooche ekobenga chieri chinde getii. Bagateebigwa ng'a eng'ina eeri eyio Nyabisembe. Eyio n'engombe yarenge enene mono getii. Igo abande bagateeba ng'a eeri eyio nigo egwete eng'ina, eye nero yabuete echinde chionsi getii.
Abana bao chingencho n'echiao bakobogoria. Mokomoni tona kwama nkorogoinwa, na mokorogoinwa tona kwama nkomoni.
Eki'omogoko n'omwana ogetoire Oko n'okwagorera
Omonto omogoko nabo arae omwana egento gose endagera. Igo omwana oyio nabo aragere onde bwensi riarenge komo anyore egento ekio, gose endagera eyio, atare gocha koyenyora ere bweka. Abanto bakarwao bagaetia ng'a onye tari omwana tanga kia mogoko tigekonyorwa achachi. Omwana n'ere okogera twakenyora.
Eke n'egesiomba, gose ekioge gi'esegi kegachire
Eamate gete eise goita omonto bwe riiga rindc, nigo egesiomba gekogachwa goika kaa riiga erio na rirorio riite omonto bw'eamate eyio. igo ritimo riria baiterete, nabo rigocha riabairancra kobaita.
Ritimo narita omonto tiriri gotugutwa. Nigo rikogachwa na mosuko riacha riaita onde.
